Рик/ериз гьевес ,жигериз нефес,
Лай-лайдин ширин багъишна чаз сес,
Мич/и йифериз экв ийиз серес ,
Гана вуна чаз , чан ширин диде.
Чими къужахда авуна туьмер,
Ишехьдайлани михьна чи вилер,
Гьар пакамахъ фал элкъуьриз дуьдгъвер,
Гана вуна чаз, чан ширин диде.
Югъди к/валахиз бахчада-сала,
Гьасил авуна гьар жуьре майва,
Дигмиш хьайиди дадни такуна,
Гана вуна чаз, чан ширин диде.
Къайи хъуьт/еркай авуна гатфар,
Архайин хвена йиферин ахвар,
Кузвай пичина чураз фу-афар,
Гана вуна чаз, чан ширин диде.
Авайт/ани вахъ балаяр ирид ,
Сад хьиз апайдай жагъайди-гъайид,
Сарарал жакьваз хъуьтуьлриз к/евид,
Гана вуна чаз, чан ширин диде.
Дидейри гана чаз нек/един хур,
Дидейри гана чи вилериз нур,
Хуьх чи дидеяр рикlерин сабур,
Хуьх чи дидеяр, дуьньядин абур!
Дидедин зегьмет
© Copyright: Фатимат Османова, 2021
Свидетельство о публикации №121090307457
Свидетельство о публикации №121090307457
Рецензии