(Игит хва,Зейнудин Батмановаз бахшнава)
Мешебиги ч/ехи тамун,
Рик/ алай хва зегьметдал.
Рахадай тир ийиз жузун,
Акур касдив гьуьрметдал.
Акьалдарна хизан к/вачел,
Аваз ч/ехи мурадар.
Душманри ам алчахвилелд,
Авуна хьи алабар.
Тамун юкьвай ишехьдай ван,
Атай ч/авуз баладин.
Машиндални акьалтна чан,
Вилик фена завалдин.
Куьрпе бала ишез чилел,
Дидени-буба есирда.
Къабар хьана адан рик/ел,
Вич туна хьи тахсирда.
Къутармишна кьиникьикай,
Милицайрин дестени.
Куьц/ена вич лап чандикай,
Кьабулна хьи гуьллени.
Вичин хизан,вичин диде,
Вилерикай карагна.
Намус-гъейрат кьуна вине,
Вичин чандал кьасабна.
Аллагьди ваз женнетар гуй,
Кьегьал хва чи лезгидин.
Гьар дагъвидиз къуй, чешне хьуй,
Ви игитвал, Зейнудин!!!
Зейнудинан игитвал
© Copyright: Фатимат Османова, 2021
Свидетельство о публикации №121083001245
Свидетельство о публикации №121083001245
Рецензии