Кьилел аватай ракъинин нурар,
Къужахдиз атай туртурдин къушар,
Са ч/авузни жеч зун квекай бизар,
Рик/ин к/усар зин, ширин хтулар!
К/ант/а рушан хьуй,к/ант/а гададин,
Вилин эквер я, вири дидедин,
Тефир тадач за, са к/ус зерредин,
Рик/ин к/усар зин , ширин хтулар!
Багьа я заз куь гьарай,эвер ван,
Аллагьди гайи мурадар жуван,
Къурбанд ийида за куь рекье,чан,
Рик/ин к/усар зин, ширин хтулар!
Чан зи бегьердин ширин наметар,
Хуш я валлагь квев ийиз суьгьбетар,
Захъ авай вири, къизил-девлетар,
Рик/ин к/усар зин, ширин хтулар!
Рикlин кlусар зин, ширин хтулар
© Copyright: Фатимат Османова, 2021
Свидетельство о публикации №121082804402
Свидетельство о публикации №121082804402
Рецензии