Рикlел хкунар ва тебрикар

(Зи муаллимриз бахшнава)

Салам гана атанва зун,
Къад йисалай къе квез мугьман.
И мектебар чи Курхуьруьн,
Чирвилерин язва макан.

И мектебда фейиди я,
Гьа куьн хьиз зи аял вахтар,
И муаллимри гайиди я,
Зазни квез хьиз вири тарсар.

Муаллимриз заз тарс гайи,
Юкь агъузна ийин икрам.
Уьмуьрлух зун хьана рази,
Чирвилерал гайи тамам.

Урус тарсар гайиди чаз,
Гьажиева Фарида тир.
Лап хуралай чирна рахаз,
Давамнач за, хьана тахсир.

Къазанфар муаллимди чирна,
Дерин сирер хайи ч/алан.
Мад к/евелай чаз тагькимна,
Чара тавун диден-ватан.

Ч/ехи Физик Назир муаллим,
Алатдани рик/елай бес?
Тежрибаллу тира алим,
Гъили кхьиз рахадай мез.

Чи Шихбуба муаллимдин,
Биология заз тир масан.
Бинедалаз а илимдин,
Цазва за къе майва-бустан.

Садик муаллимди тарихдин,
Имтигьандай янай заз вад.
Къимет къвезва ваз лайихдин,
Лагьанай заз, гила ахлад.

К/анзава заз хкиз рик/ел,
Ферзилагь муаллимни гьелбет.
Пешекар тир халис кьегьал,
Кьисмет хьурай вичиз женнет.

Вирибурун кьаз жеч т/варар,
Куьн вири заз язва багьа.
Квяхъ виридахъ хьуй сагъ чанар,
Агалкьунар мадни зурба!

2000 -йис, За и шиир кхьейдалай кьулухъ
мадни муаллимар рагьметдиз фена.
Чпиз женнетар кьисметрай,чпин эхиратдин
к/вал къени хьуй! Аминь