Йиса садра къвезва вун чаз,
Ц/ийи-ц/ийи хабарар гваз,
Лацу бармак кьилел алаз,
Ваз хвашкелди,чан ц/ийи йис!
Ч/агай свас хьиз къацу ёлка,
Пагь,аялриз вуч я багьа?
Безетмишиз гьар к/вал,суфра,
Ваз хвашкелди,чан ц/ийи йис!
Багьа мугьман аяз буба,
Савкьватар гваз ац/ай чанта,
Шад ийиз чи гьар хуьр, уба,
Ваз хвашкелди, чан ц/ийи йис!
Ахъа я ваз гьар са къапу,
Аяздикай тушиз къурху,
Йифен кьулаз къвезвай атлу,
Ваз хвашкелди, чан ц/ийи йис!
Дуьньяд гьалар чира хъсан,
Къучийриз рехъ гумир тапан,
Дережаяр гваз чаз кьакьан,
Ваз хвашкелди, чан ц/ийи йис!
Ваз хвашкелди чан цlийи йис
© Copyright: Фатимат Османова, 2021
Свидетельство о публикации №121081703972
Свидетельство о публикации №121081703972
Рецензии