Акатна зак шадлу гьевес,
Регьят хьана ч/угваз нефес,
Ви манидин ширин тир сес,
Рик/из хьана хуш,Селимат.
Галачизни ч/агъан,далдам,
Ви авазди гудач гьич чам,
Дидед геле эцигай кам,
Уьмуьрда хьуй нуш, Селимат.
Акуна заз устадар мад,
Дуьньядиз акъатнавай ад,
Гекъигда за вун абрив сад,
Чи Куьредин къуш, Селимат.
Эцигзава за вун чешне,
Манидаррин сифте кьиле,
Агалкьунар хьуй вахъ еке,
Кьамира рик/ буш,Селимат.
Аллагьди гуй ваз бахт ч/ехи,
Чанни сагъ яз уьмуьр яргъи,
Хьухь кьисметдал жувни рази,
Зи хуьруьнви руш,Селимат!
Манидар Селиматаз
© Copyright: Фатимат Османова, 2021
Свидетельство о публикации №121081400899
Свидетельство о публикации №121081400899
Рецензии