Хъукьварин хуьр чи дагълара,
Гъвечlи шегьер я.
Эцигзавай цlийи кlвалер,
Мелни-мехъер я.
Ина йифиз цава гъетер,
Экуьн сегьер я.
Къе чи хуьре мехъер ава,
Гурлу демер я.
Гьар са емиш туьтlуьр касди,
Атана дадмиш.
Виртlедилай язва ширин,
Тlуьрдини вердиш.
Я кичlе туш зегьметдихъай,
Аквазвай вилиз.
Сад муаллим,садни алим,
Ядай гъил-гъилиз.
Шумуд алим хьанатlани,
Дагъларин хуьре.
Лувар гужлу язва лекьер,
Гьарма са жуьре.
Кьуд пад дагълар,тамар язва,
Ачух я варар,
Къайи ятар гьекь акъатиз,
Жергеда кварар.
Вичел чlугваз дагъларини,
Шадариз рикlер.
Хъукьварихъни къамат ава,
Гуьзел тир шегьер!
Хъукьварин хуьр
© Copyright: Марьям Алискерова, 2021
Свидетельство о публикации №121081401388
Свидетельство о публикации №121081401388
Рецензии