У. деж.
СлIожь утескIэ нэмэзлыкъым,
ПщIэуэ пщIауэ гуэныхь мин.
Махуэ къэскIэ пщIы фарзитхум,
Хэт уфIэщIрэ Тхьэм пIихын.
ЦIыхухэр ауэ Чэбэм кIуэркъым,
Уэ нэхъыфIт зомыIэжьам,
Зэн-Зэныпсым сэбыныншэу,
ФIейр кIэрех – «Iэбжьанэм» кIуам!
- Уэ гуэныхьхэр бупшынынум,
Махъшэ укIи занщIэу пыкI,
Дэщхьыу щыIэ хъунщ пшахъуэщIми,
ЦIыху тхьэмыщкIэ-зылъэмыкI?
ДэнкIэ укIуэми игъащIэм,
ПфIэфIщ уэ куэду ахъшэ пщIын,
А уи дамэм тесхэм язым,
Дауэ фIы пщIам игъэкIуэдын!
«Бегъымбарырэ пэткIэ щоуэ»,
Ауэ щыIэщ къэзыгъэзэж,
Зэ уи гъащIэм ириплъэжи,
Уэ Хьэжы ухъуау къэкIуэж.
Чэнджэщ
© Copyright: Абубакир Жемухов, 2021
Свидетельство о публикации №121080901175
Свидетельство о публикации №121080901175
Рецензии
