Редакторыр къысщытхъуащ,
Дэгъуэ хъуауэ жери усэр!
Дагъуэу зы къыхуигъуэтащ,
КъыфIигъэхуу си щхьэр.
Бжэгъуу нэм щIэуар,
«Хъыджэбз!» - псалъэр арщ.
Нэху щыху стхауэ хъуар,
Зэуэ хьэм ихьащ.
Шэцыкуэ Iуданэу,
Псори зытесшам,
Дауэ сеIусэну,
- Хъунт къелыну сщIам.
Ар хэмыту щытым,
Усэр шыпсэ мэхъур,
Дзы фIищыну цIыхум,
Делэ хъуат редакторыр?
***
© Copyright: Абубакир Жемухов, 2021
Свидетельство о публикации №121080901165
Свидетельство о публикации №121080901165
Рецензии
