Сэ сомищ сиIэу щытатэм,
Къэсщэхуау кIэзет седжэт,
Ауэ сиIатэмэ мин щищ,
«Мерседес» сысейуэ сист…
ПщIэнтIэпс къабзэкIэ заужьтэм,
СэрикI нобэ сы магнатт,
Зыри фIыти сыриIыскъым,
Ахэм куэд къахокI ТАЛАНТ!
Мы си жыпхэм жьы щызепщэм,
Сэ къызатыр гу къыдэж,
ЩIы хъурейм къедза хьэуам,
Щыщ сиIарэт-нэхъыбэж!
Мегаполисым щыпсэухэм,
Жьы абжьыбым куэд щIобэг,
Ди щыхьэрым и жьы къабзэм,
Сэ къызетыр - дэрэжэгъу!
***
© Copyright: Абубакир Жемухов, 2021
Свидетельство о публикации №121080901123
Свидетельство о публикации №121080901123
Рецензии