* * * *
Яб гана за, ван сефил тир,
Халкьдин гьава квай манидиз.
Ял кьунвай хьиз, хъуткьунна рик1,
Агьил чагъдин, пелеш тан хьиз.
Нагъв атана, гьич шел текъвер,
Къарав течир, зи кьве вилел.
Михьна тадиз, кьежей хъуькъвер
Такун патал, суал квай шел.
Манидавай ч1ал шаирдин
Тавакьу са, - эсердай тав.
Суза тир кьван, кай дидардин,
Къарсурдай чил, къарсурдай цав.
Халкьдин гьава – хугузвай гьай,
Гъамар, дердер авуна кьат1,
Туьхуьриз к1анз *гургу квай ц1ай
Шаирдин рик1е хьанвай к1ват1.
Яб гана за, са шумуд гъилер,
А манидиз, чан жез ифир.
К1вахьиз ст1ал, ац1ай вилер,
К1уь накъварин, хьанвай вир.
2007 й.
Гъилин хат1арин дафтардай.
*Гургу – ц1ун ялав(пламя)
нугъатдин гаф.
***
© Copyright: Фикрет Хидиров, 2021
Свидетельство о публикации №121080607866
Свидетельство о публикации №121080607866
Рецензии