Чи рикlера гьамишалугъ амукьда

(Зи рагьметлу стхадин руьгьдиз бахшнава)

Хабар тирт/а стха, заз ви рик/икай,
За жуван рик/ акъудна хьиз ваз гудай.
Ч/улав хабар ван къведалди варцихъай,
Ирид сефер за вун патал чан гудай.

К/ан хьаначир ягъаз заз зин вилерихъ,
Япарини гьисс авунай бишивал.
Фалуждин ц/ай галукьнай зи к/вачерихъ,
Рик/е кьван хьиз гьатнай залан мич/и
вал

Зи сабурни тир стха вун,даяхни,
Эрч/и гъилни тира,кьилин дамахни.
Зи вилерин экв, зи дуьнья , зи рагъни,
Гьайиф,чавай къакъудна вун, Аллагьди.

Ви дерт стха,эциг жезвач чилерал,
Ам ц/елхем хьиз рик/ин къене туьхуьзва.
Ви т/вар кьурла накъвар къвезва вилерал,
Ц/елхемдикай мад ц/ийиз
цlай кукlуьзва.

Хиве кьаз ваз к/ан хьаначни кьуьзуьвал?
Яхц/ур салай къайи мафе кьабулна.
Нив вугуда бес чна ви
 ч/ехивал,
Ви кьве  бала  бубадикай магьрумна?
 
А залум кьуьд акъуднай за мекьид яз,
Йифералди месин кьиле ацукьна.
Ширин стха,ви къамат пак экуьд яз,
Чи рик/ера гьамишалугъ амукьда!

25. 12. 1998 год