ШТО ТАКОЕ РАДЗІМА?
Леанід Пранчак
Над Беларуссю маладзік
Асвеціць сэрцу шлях да раю.
Дзе б я ні быў, а не адзін,
Таму што я цябе кахаю!
Да родных клёнаў і бяроз
Плывуць аблокі чарадою.
І як бы мой не склаўся лёс,
Ты, Беларусь, заўжды са мною!
Любімы мною твой абшар,
Зямля з блакітнымі вачыма!
Я затулю цябе ад хмар,
Мая пакутная Радзіма.
Мінаюць дні, бяжыць жыццё,
Цвіце язмін, гудзе дуброва…
Радзіма – гэта перш за ўсё:
Мая сям’я, зямля і мова!
02.08.2021
Што такое Радзiма?
© Copyright: Леонид Пранчак, 2021
Свидетельство о публикации №121080304890
Свидетельство о публикации №121080304890
Рецензии
На это произведение написаны 2 рецензии, здесь отображается последняя, остальные - в полном списке.