Квез муьжуьд март мубарак хьуй

Советрин властди чаз гайи,
Эхтиярар, сад хьун вири,
Къул ч/угуна рази хьайи,
Квез муьжуьд март мубарак хьуй!

Сад хьиз кьуна пабни итим,
К/елиз чирна ч/ехи илим,
Дишегьлияр, тира муаллим,
Квез  муьжуьд март мубарак хьуй!

Муьт/уьгъариз кьакьан цавар,
Гьаникни ква куь пай,папар,
Рик/еваз Терешковадин т/вар,
Квез  муьжуьд март мубарак хьуй!

Сад хьиз яна гъилер гъилиз,
Акъуднай хьи дяве кьилиз,
Чи духтурин тариф ийиз,
Квез муьжуьд март мубарак хьуй!

Заводрани зурба,гужлу,
Дишегьлийриз тушир къурху,
Хт/унай  йугъ алай шуткьу,
Квез муьжуьд март мубарак хьуй

Вич виринра жеда к/венк/ве,
Галатунни кьадач хиве,
Гьар са к/вале авай диде,
Квез муьжуьд март мубарак хьуй!

Фу недайла рик/ел хкваш,
Дишегьлиди чурай лаваш,
Лагь вахариз багьа къардаш,
Квез муьжуьд март мубарак хьуй!

Куь виридан сагъ хьуй чанар,
Кьилел алаз чими ракъар,
Чи к/ани тир сусар, рушар,
Квез муьжуьд март мубарак хьуй!