Магьрум тахьуй гьич са бала,дидедихъ хайи,
Са дидедизни такурай баладин дертни.
Тамарзлу яз амазма зун дидеди гайи,
Са темендихъ, агажнавай азар,кьисметди.
Зи вилерай авахьзава накъварин селлер,
Рик/ел хкиз багьа къамат,хайи дидедин.
Кьуд баладиз уьмуьр гана,багъиш тавур хъвер,
Ц/игел я зун ширин диде,са туьмердихъ вин.
Хьанач вавай багъиш ийиз рик/ин
к/анивал,
Дава тежер дерт чуьнуьхиз ви жегьил чанда.
Рази хьана сад Аллагьди кьисмет гайивал,
Етимар яз тунай на чун
ч/улаврин къанда.
Вил гала зин,ви эвердихъ,ванцелди ширин,
Далудихъай гъил алтаддай хъуьтуьл гъилерихъ.
Вун амачир дуьньяда рагъ амач,я серин,
Ви т/вар кьурла къекъвезва зун сефил вилерихъ.
Ваз хвавални ийиз хьанач завай чагъа яз,
Лайих я ваз ширин диде ч/ехи гьуьрметар
За гьар юкъуз т/алабзава вун рик/е аваз,
Аллагьдивай ширин диде,ваз гун женнетар!
Ваз хвавални ийиз хьанач завай чагъа яз
© Copyright: Фатимат Османова, 2021
Свидетельство о публикации №121073003640
Свидетельство о публикации №121073003640
Рецензии