Шадвал вахар пайиз жеда,
Дерт масадав вугуз жедач.
Рик/ин къене эхиз шеда,
Акъудна гьич лугьуз жедач.
Авач жеди белки чилел,
Багъридин дерт такур инсан.
Къабар жеда валлагь рик/ел,
Бейхабардиз атайла ван.
Экуь дуьнья жеда хьи дар,
Рагъ алай югъ мич/и жеда.
Къведа валлагь ахьтин йикъар,
Сиркедлай дерт къати жеда.
Вири крар жезва эхиз,
Чун дердериз хайибур я.
Гуз теменар сурун къванциз,
Сад Аллагьди кайибур я.
Са карди чаз гузва сабур,
Сурун къванцел суьрет ала.
Вучиз халкьар я такабур?
Сур виридаз кьисмет ава.
Тавакъи хьуй,жемир аси,
Эхиратда сур я чи к/вал.
Чи багърийриз рагьмет хьайи,
Кьезил хьурай сурун суал!
Дерт пайиз жедач
© Copyright: Фатимат Османова, 2021
Свидетельство о публикации №121072708028
Свидетельство о публикации №121072708028
Рецензии