Кутакал раг1абаз лъукъараб керен
Кинал дараби кьун ц1илъинабулеб?
Ц1адулъеги рехун бух1улеб рек1ей
Кинаб лъалалъ биччан чучи батулеб?
Чорхолал г1узраби г1емерго бигьа,
Гьаналъе бессулеб раг1и лъазег1ан,
Лъавудаса унеб унти чанги лъик1
Лъукъун бугеб рек1ехъ г1енеккизег1ан.
Г1адамал, гьарула, гьабей цо сабур,
Сардалгун къокъунин къваридго къоял,
Къанабакье инч1ев чи хут1уларин,
Хадуб жаваб кьолеб кьоге багьана.
***
© Copyright: Адам Дагчеч, 2021
Свидетельство о публикации №121072607497
Свидетельство о публикации №121072607497
Рецензии