***
Нічога не мяняецца на свеце:
Як жалі жыта, так і зараз жнём.
Карона зноў гуляе па планеце,
І мы у новым леце зноў жывём.
Сусед мой шчыры быццам з таго свету
З бальніцы маладзечанскай прыйшоў:
Жывы і рад, і радуецца лету,
Нібыта шчасце новае знайшоў.
Нічога не мяняецца ў прыродзе:
Як лес шумеў, так і цяпер шуміць.
І я стаю, як летась, у гародзе,
І ў небе гром, як некалі, грыміць.
24. 07. 2021 г.
Нiчога не мяняецца на свеце...
© Copyright: Юрий Боровицкий, 2021
Свидетельство о публикации №121072403866
Свидетельство о публикации №121072403866
Рецензии