ПРЫГОЖЫ ФЛІРТ
Леанід Пранчак
Хацелася б, каб мы былі знаёмы.
Я бачыў недзе твой прыгожы твар.
У вобразах каханых пазнаём мы
Правобразы даўно забытых мар.
Ласкавая і любая дзяўчынка,
Убачаная мной упершыню,
Ты не знікай, не раставай ільдзінкай,
Падоўжы флірт і падтрымай гульню!
Вось можа так на свеце атрымацца…
Ты слухаеш мяне. Усё, як сон.
І што рабіць: пайсці ці затрымацца?
А, можа, запрасіць пад парасон?
Бянтэжышся… Нацятае трымценне.
Адно дыханне – радасць на дваіх.
Каханне – зніч, кароткае імгненне,
Каб колькі жыць, -- успамінаць той міг!
24.07. 2021
Прыгожы флiрт
© Copyright: Леонид Пранчак, 2021
Свидетельство о публикации №121072403798
Свидетельство о публикации №121072403798
Рецензии