Союз амач, я Советрин уьлкве чан

(Перестройкадин девирдиз)
Я лугьуз Советрин Союз чи Ватан,
Миллионри вун паталди ганай чан,
Кьец/ил хьана амукьнава гила тан,
Союз амач,я Советрин уьлкве чан!

Гьар са карда акатнавай тир вилик,
Кутунвай тир лап яц/у дестек кьилик,
Ханва гила,акатнава ам чилик,
Союз амач,я Советрин уьлкве чан!

Куьгьне душманрикай кьуна на дустар,
Пайна вакай авуна абри к/усар,
Кьейибурун санар жезвач гьисабар,
Союз амач,я Советрин уьлкве чан!

Чара уьлквейриз хьанва вакай халу,
Жуван халкьдихъ элкъуьрнава на далу,
Агакьай гад тухвана хьи ик/ хару,
Союз амач,я Советрин уьлкве чан!

Амач вахъ гьич са асирни,я тарих,
Ч/ур хьанава вири патархъай къилих,
Дустар амач алакъада авай сих,
Союз амач,я Советрин уьлкве чан!

Гьайиф-гьайиф,а вал ч/угур кьван зегьмет,
Чи Ленина вун патал ч/угур зиллет,
Эхиз жезмач халкьаривай а вин дерт,
Союз амач,я Советрин уьлкве чан!

Вири уьлквейрин вилик квай тир устад,
Виринра гьатнавайди тир а ви ад,
Кесиб халкьдин виридан сад тир мурад,
Советрин Союз хъхьун я,уьлкве чан!