Я пакідаю Радзіму --
Сум і трывога ў душы.
Усяго праз адну гадзіну
Сустрэнуць мяне на мяжы
Добрыя, шчырыя людзі,
Якія мяне правядуць
Праз лес, што пачуцці будзіць,
Праз поплаў, і праз ваду.
Я пакідаю Радзіму --
Тут здрада куе падман.
Няма тут месца праўдзівым:
Свабоды даўно няма.
У сэрцы сваім маўклівым
Я слёзы і памяць нясу.
Птушкі парэзалі клінам
Неба майго вясну.
Я пакідаю Радзіму --
Кут, дзе я марыў і рос.
У думках -- так многа дзірак.
Так мала на твары слёз.
Кажу сабе: я -- прыеду,
Як толькі пакліча край
Да гнёздаў, да новых ведаў,
Дзе грацьме свабоду май.
29.06.2021. Заслаўе
Я пакiдаю Радзiму
© Copyright: Валерий Познякевич, 2021
Свидетельство о публикации №121071006684
Свидетельство о публикации №121071006684
Рецензии
Алена,толькі ва Ўкраіну з'ехала за год 460 тысяч беларусаў. Тое, што адбываецца цяпер -- гэта сапраўдны генацыд,накіраваны на знішчэнне беларускага народа.
Валерий Познякевич 25.07.2021 21:17 Заявить о нарушении
Валерий Познякевич 25.07.2021 21:17 Заявить о нарушении