Эй билбил,гьинай жагъанват|а ваз,
И гуьзел ч|алар и ширин аваз?
Ч|агай сесинал къвез завди рахаз,
Вугузва завни ягъиз тежер саз.
Эй шаир,вун я, дерзичи
ч|ехи,
Раб,гъал галачиз заз мани цвайи.
Сес заз и ч|агай гана Аллагьди,
Гьейран ийирвал жуван халкь хайи.
Эй билбил,вуна незвачни бес фу?
Тарце аквазва заз экуьнлай вун.
Пешерин танда к|ев хьана къацу,
Ракъинин к|аник ийиз жув шулу.
Эй шаир,вучин?Им я зи
к|валах,
Вири т|ебиат авун фад уях.
Ашукь хьана зи сесинал Аллагь, ,
Авунва закай тамарин пачагь. .
Ацукьна кук|вал аквазва за дад,
Гьар са емишдин пакамахъ лап фад.
Икьван тамарин хьайила пачагь,
Зун гишила гьикl амукьдатlа лагь.
Зун ви гъавурда акьуна саки,
Ризкьи ганва ваз сад тир Аллагьди.
Ви ч|аларин зун тирла дерзичи,
Бес зи зегьметдиз ни гуда гьакъи?,
Шаир ва билбил
© Copyright: Фатимат Османова, 2021
Свидетельство о публикации №121062900198
Свидетельство о публикации №121062900198
Рецензии