Экуь гъетрен т/вар багъишна дидеди,
Буйдиз кьадай гуьрчег абур Аллагьди,
Мягькем кьунвай уьмуьрдин рехъ даяхди,
Чи райондин дамах я вун,Венера.
Дишегьлияр гзаф ава Куьреда,
Гъалиб хьайи гьар хилерай зегьметда,
Ягъалмиш туш ви т/вар кьаз за гьуьжетда,
Мярекатрин даях я вун, Венера.
Дидевални ийизва на балайриз,
Мягькем хизан кьиле тухуз галайдиз,
Гаф лугьуз жеч ви зегьметдиз,к/валахдиз,
Хизандин бахт,чирагъ я вун,Венера.
Къуй Аллагьди уьмуьрда ваз гуй сагъ чан,
Бахт,берекат,галаз к/ани ви хизан,
Галат тийиз зегьмет ч/угвазвай икьван,
Чирвилерин булах я вун,Венера.
Венера Ханвердиевнадиз бахшнава
© Copyright: Фатимат Османова, 2021
Свидетельство о публикации №121062703957
Свидетельство о публикации №121062703957
Рецензии