Алад зи хва Ватан хуьз вун,
Ам виридан буржи я.
И буржидкай кьил къакъудун,
Итимвилиз акси я.
Атанва хва,къе ви вахтни,
Буйругъ кьилиз акъуддай.
Гележегдин кьисмет,бахтни,
Вири санал агуддай.
Ватан я хва,вун хайи чил,
Къазанмишай бубайри.
Ватан я хва,ви халкь,несил,
Хуьзвай кьегьал рухвайри.
Хвена к/анда хайи Ватан,
Жуван вилин нине хьиз.
Чешне я ваз гайибур чан,
Селлер хьана иви физ.
Алчахвилелд амукьдалди,
Игит яз кьин хъсан я.
Виликди фин алукьдалди,
Дагъвидиз хас лишан я.
Ватанди ваз гузва эвер,
Гьай лагь вуна вик/егьдиз.
Хаин душман гьалтайт/(а)эгер,
Ц/ай ягъа хва,немгетдиз.
Алад зи хва,Ватан хуьз вун,
Ам виридан буржи я.
И буржидкай кьил къакъудиз,
Алахъдайди къучи я.
Дидедин несигьатар
© Copyright: Фатимат Османова, 2021
Свидетельство о публикации №121062703869
Свидетельство о публикации №121062703869
Рецензии