Атанвай лап гъвечlи, чlехи
Кlватl хьанвай дуст, мукьва-кьили,
Кьил кутуна Кьасумхуьруь,
Къейдна сувар ви, Шарвили.
Мад чи руьгь на кьакьанарна,
Мад вуна чун гьейранарна,
Лезги эпос, чи Шарвили...
Лезги чилин машгьур кьегьал!
Гъил эцигна вуна хурал,
Гаф гайиди тир халкь патал.
Зурзурай чал атай душман,
Дамах я вун чи гьар садан,
Лезги игит, чи Шарвили...
Вун чешне-ярш тир бубайриз,
Гила чешне я рухвайриз,
Къведай несилрин балайриз.
Чи тарихдин гел - къагьриман
Икьван рикlериз эрзиман
Лезги игит, чи Шарвили
Чи Шарвили
© Copyright: Гасанова Гюзеля, 2021
Свидетельство о публикации №121062701488
Свидетельство о публикации №121062701488
Рецензии