Аніколі не ўцямяць вар'яты,
Што Сусьвет без жанчыны загіне.
Прыгажосць не схаваць ім за краты,
Бо за ёю стаіць Берагіня.
У жанчыны той -- твар Беларусі,
Валасы -- як паспелае жыта.
Каб мы ўсе не загінулі ў скрусе,
Яна продкаў чытае нам сшытак.
Там наказ: як нам жыць, як маліцца,
Як ісьці, здабываць сваю волю.
Не дае Берагіня стаміцца,
Не дае нам спазнаць яна болю.
Беражэ ад пакут і нянасьцяў
Край, што Богам з нябёс блаславёны,
Каб зямлю абмінулі напасьці,
Каб людзей не кранулі праклёны.
Ад таго -- мой народ вельмі дужы.
Ад таго -- мой народ нескароны.
Тут дзяўчаты, як белыя ружы,
За свабоду ўстаюць у калоны.
Яны крочаць да шчасця, да волі,
Да надзеі, што песняй ліецца,
Каб ніколі, ніколі, ніколі,
Смутку з болем не зведала сэрца.
21.12.2020. Заслаўе
Вользе Хiжанковай
© Copyright: Валерий Познякевич, 2021
Свидетельство о публикации №121062604269
Свидетельство о публикации №121062604269
Рецензии
Волечка неверагодная! Прыгожая з твару i добрая душой! Дзякуй!
Елена Ярошевич 28.06.2021 09:20 • Заявить о нарушении
Елена Ярошевич 28.06.2021 09:20 • Заявить о нарушении