Мы жывём на плошчы Пераменаў.
Грукат нашых сэрцаў будзіць волю.
Беларусь на ёй народ займела.
Ён іграць сваю жадае ролю.
Досыць нам маны і абяцанак...
Мы сягоння маем зрок і вочы.
Нашы дзеці выраслі з тых санак,
Што з гары імчалі ў цемень ночы.
Нашых дум не знішчыць, не расплюшчыць,
Не скарыць атрадамі спецназа.
Мой народ прачнуўся: стаў відушчы.
Сёння мы ідзём да волі разам!
У адзінстве -- наша моц і сіла.
Перамогі дух -- у сэрцы кожным.
Нават смерць братоў нас не скасіла --
Крочым мы іх шляхам пераможным.
Крок за крокам набліжаем Волю.
Крок за крокам абуджаем Веру.
Мы іграем самых смелых ролю.
Мы ўзрасцілі для нямоглых змену.
22.12.2020. Заслаўе
Моц адзiнства
© Copyright: Валерий Познякевич, 2021
Свидетельство о публикации №121062604255
Свидетельство о публикации №121062604255
Рецензии