Гучалі ў Храме медныя званы.
Іх языкі нам праўду гаварылі.
І ёй няма сумневу і маны --
Сын Божы нарадзіўся ад Марыі.
Святая дзева чыстае красы
Дзіця ад Бога сёння нарадзіла.
Па ўсёй зямлі гучаў званоў пасыл,
Што гэта цуд, што гэта проста дзіва.
Ад зорнага святла, што даў нам Бог,
Да пастухоў, што ёй дары прынеслі,
Імчала вестка з гор, нізін, дарог --
Складалі людзі аб тым цудзе песні.
І радасці той не было канца,
Бо нараджэнне тое стала явай.
Анёлы пасылалі нам ганца,
Які скакаў з той радаснай аб'явай.
07.01.2021. Заслаўе
Добрая вестка
© Copyright: Валерий Познякевич, 2021
Свидетельство о публикации №121062603686
Свидетельство о публикации №121062603686
Рецензии