Месел ала вун к/вач хана,
Зун ви кьилихъ,ширин диде.
Вилерални нагъв атана,
Ви чин я лап серин,диде.
Гагь ишехьда вун аял хьиз,
Туьнбуьгь жезвач завай гьич ваз.
За твазва вун зи хиялдиз,
Жув куьрпе тир бере акваз.
Ч/угунай на къагьри къазаб,
Акьалдариз чун к/вачерал.
Занни эхда гьар са азаб,
Нагъв тежервал ви вилерал.
Вахкуз жедач завай ви бурж,
Авурт/ани гьуьрмет гьикьван.
Ажузармир рик/ гьич са к/ус,
Куьмек я зун тежер йикъан.
Тежер йикъан куьмек я зун
© Copyright: Фатимат Османова, 2021
Свидетельство о публикации №121062601490
Свидетельство о публикации №121062601490
Рецензии