Разносяць хвалі па-над Сожам,
І над Дзвіной, і над Дняпром
Наш голас: верым, пераможам,
Які разносіцца, як гром.
Гучыць у пушчах і па гонях:
Хто там ідзе, хто там ідзе?
Народ паклікала Пагоня:
Ён -- у бядзе. Ён -- у бядзе.
Выходзь, сусед! Выходзь, сяброўка! --
Чакае вольны ўсіх прастор.
Нам да яго ісьці пяць крокаў.
Далей -- свабоды хараство.
Калі ўсіх здрайцаў пераможам --
Жыць будзе вечна Беларусь.
Ну а пакуль -- мы верым, можам:
З плячэй скідаем догмаў груз.
04.02.2021. Заслаўе
Верым, можам, пераможам
© Copyright: Валерий Познякевич, 2021
Свидетельство о публикации №121062403680
Свидетельство о публикации №121062403680
Рецензии