Абрыдла мне дзяржаўная хлусня --
Я тэлевізар болей не ўключаю,
Бо прапаганда вырадкаў уся
Мяне давесьці можа да адчаю.
Такі падман не здольны праглынуць
Ні кракадзіл, ні белая акула.
Плыве па-над ракой жыццёвай муць --
Шукаюць людзі ад хлусьні ратунак.
Яднаюцца пасёлкі, гарады.
Даходзіць праўда дзён паціху ў вёскі.
Растуць братэрства нашага рады,
Нібыта ў лесе белыя бярозкі.
Іх не зламае здраднікаў рука,
Што страцілі свой гонар і сумленне.
Плыве, расце народная рака --
Яе вясна не хутка ў русла верне.
У той вясны ёсьць волі нашай квет,
Які не ўбачаць здраднікі ніколі,
Бо ў ім жыве ліцьвінаў запавет:
Імкненне сэрцаў да святла і волі.
Чакай вясны, разважлівы народ!
Знайдзі ў палях сваю надзею, мару,
Каб вораг не пляваў у агарод --
Пашлі яму праз квет пракляцце, кару.
15.02.2021. Заслаўе
Адказ ябацькам
© Copyright: Валерий Познякевич, 2021
Свидетельство о публикации №121062403291
Свидетельство о публикации №121062403291
Рецензии