Памажы нам, Божа, памажы,
Збавіцца ад здрайцы-супастата,
Перажыць ягоны ўвесь рэжым,
Асудзіць усіх забойцаў, катаў.
Дай нам, Божа, сілы, каб дажыць
Да свободы, аб якой так марым.
Памажы нам, Божа, памажы
Сцяг узняць і вольныя штандары.
Не суроч нас, Божа, не суроч --
Нам усім патрэбна перамога.
Адвядзі ад нас сляпую ноч,
Пакажы нам светлую дарогу.
Не карай, о Божа, не карай,
Тых, хто веры продкаў сваіх здрадзіў.
Шлях праўдзівы кожнаму парай,
Хто яшчэ застаўся пры уладзе.
Дай нам, Божа, веры, чысьціні,
Што жылі раней на Беларусі.
Адчыні ім неба, адчыні! --
Хай ляціць да волі белы бусел.
17.02.2021. Заслаўе
***
© Copyright: Валерий Познякевич, 2021
Свидетельство о публикации №121062403270
Свидетельство о публикации №121062403270
Рецензии