Сад тир Аллагьдин кьадардал,
Таниш хьун заз хьана кьисмет.
Аламат хьана и кардал,
Бажарагъдал адан гьелбет.
Гьисаб жедач пешейрин сан,
Камалдалди къалурдач вич.
За квез лугьун ,ихьтин инсан,
Акъатнач зи бейнидай гьич.
Дишегьлидиз хас лишанар,
Гьар са к/валах,гъилер къизил.
Гьалтна гзаф зал инсанар,
Хьайид туш ик/ рик/из кьезил.
Рахадай туш гафар гьич буш,
Таржумачи,ахлакьдин бахт.
Чими хьана рик/изни хуш,
За кьуна ам заз ч/ехи Вах.
Итимди хьиз гьар са к/валах,
Намусдалди тухвай кьиле.
Гваз аквадач к/усни дамах,
Къекъведа кьил туна чиле.
Шаирни я бажарагълу,
Гьар са ц/арни рик/ин гьарай.
Гьич хуьрера и чи дагълух,
Дишегьлидиз авач и пай.
Милицайрин жергейрани,
Гьакъисагъ яз авур к/валах.
Хьаначт/ани женгерани,
Гъалибвилин я чи дамах.
Мубаракиз к/анзава заз,
Майдин ч/ехи суварни мад.
Селминат Вах,Аллагьди ваз,
Гуй виш йисар,умуьрни шад!
Зи чlехи вах
© Copyright: Фатимат Османова, 2021
Свидетельство о публикации №121062302703
Свидетельство о публикации №121062302703
Рецензии
Сагърай зи ВАХ!!!
Вуна лап тарифар авуна хьи зин?
Зун шад я,вун хьтин бажарагълу вах авай !!!Чи дидеди лугьудай : -Чир жедайдаз,са кепектин хатурни чир жеда,чир тежедайдаз - жуван хам хт1уна гайит1ани,чир жедач.
Сельмина Курабекова 26.06.2021 09:41 • Заявить о нарушении
Вуна лап тарифар авуна хьи зин?
Зун шад я,вун хьтин бажарагълу вах авай !!!Чи дидеди лугьудай : -Чир жедайдаз,са кепектин хатурни чир жеда,чир тежедайдаз - жуван хам хт1уна гайит1ани,чир жедач.
Сельмина Курабекова 26.06.2021 09:41 • Заявить о нарушении
За тарифар авунвач зи Вах,ви тарифар авурт/а мумкин я са ктаб хьун.
Вун хьтин инсандин гъавурда акьадай инсанар чи арада лап т/имил ава,Аллагьди ваз вири рик/ин мурадар гурай.Зунни шад я захъ вун хьтин Вах хьунал.Аллагьди хуьрай вун!
Фатимат Османова 30.06.2021 21:11 Заявить о нарушении
Вун хьтин инсандин гъавурда акьадай инсанар чи арада лап т/имил ава,Аллагьди ваз вири рик/ин мурадар гурай.Зунни шад я захъ вун хьтин Вах хьунал.Аллагьди хуьрай вун!
Фатимат Османова 30.06.2021 21:11 Заявить о нарушении