Заз бубадин ери кьурбур,
Герек ч/авуз зи гъил кьурбур,
Лувар кутур зак такабур,
Аллагьди хуьй зи стхаяр
Гагь вах лугьуз гагьни диде,
Дережадал кьуна вине,
Заз ч/ехивал гайи рик/е,
Аллагьди хуьй зи стхаяр.
-
Вун акваз к/ан я,- лугьуз чаз,
Мукьвал-мукьвал завди рахаз,
Гуьгьуьл къачуз,хабарар кьаз,
Аллагьди хуьй зи стхаяр.
Дуьньядив я заз баранбар,
Гьуьрмет,хатур,куь эхтибар,
Къвез гьардакай шадлу хабар,
Аллагьди хуьй зи стхаяр.
Са нек/един акурбур дад,
Са суфрадихъ т/уьр фунни яд,
Алхишда за квез мад ва мад,
Аллагьди хуьй зи стхаяр!
Аллагьди хуьй зи стхаяр
© Copyright: Фатимат Османова, 2021
Свидетельство о публикации №121062201949
Свидетельство о публикации №121062201949
Рецензии