АдэфI

Сыхуейми, сыхуэмейми
     нобэ гуэрым,
Си IитIыр зэтедзау сыщысщ,
БлэкIыу сыкъилъагъум
     зимыIуэхум,
Махуэр зи кIыхьагъым
     сыIуэхуэншэу игугъэнщ.

Нобэ хуыщIыхьэгъуэм
     ичэзукъым -
Махуэм гъэ егъашхэ,
Сэ, е сы шэмэджкъым, е
     сыфIанэкъым,
КIэщI-кIэщIурэ
     къалэмым сопхъуэ?

Жэщ кIуам си пщIыхьым
     Лизэ къэмыкIуатэм,
Купыкъуэм аргъынэ
     къесхьэхынри хэлът,
Гу уз щхьэ уз, пщэдджыжьым
     зызмыщIатэм,
Ди адэм мэкъум сыздишат?

Ар жыжьаплъэу щымытатэм,
Нобэ дыгъэм сызэхисхьат,
Зэкъуэш быным я гъэфIэныр,
СызэIурыфIыцIауэ:
     хэт сырикъэшэнт.

Лизэ щэбэтым къэкIуэжауэ -
Ныщхьэбэ къалэмкIэ
     кIуэжынущ,
Абы автобус къэувыIэпIэм деж
     сыIущIэм,
Шэхуу жесIэну хъуар -
     хьэзыру тхауэ сиIэщ.

Сэ си адэм хуэдэ адэ,
Мы дунейм цIыху тету
     къыщIэкIынкъым,
Тхэныр зэрысфIэфIым гулъитауэ,
Iэмал игъуэту -
     гугъуехь сыпэщIигъахуэкъым.

Гъэ кIуар, адэ - модэурэ
     згъэкIуащ,
Бжьыхьэм къэзмышэуэ ядэнукъым,
Зи, мэкъум ди пщIантIэр зэригъуэту,
Лизэ сепхъуэну - сыхьэзырщ.
                1974 гъ.