Билбилди ширин аваздал мани,
Ягъиз авудна къе зун ахварай.
Муштулух гузва заз гуя вичи,
Гатфар атанва къарагъ меселай.
Къарагъна зунни гьавадал михьи,
Лезет хкудиз акъуч/на къецел.
Т/ебиатдал чан атанва саки,
Къацу махпурни эк/яна чилел.
Гатфар атанва,акьалтнава чан,
Тамар тарарал алук/на либас.
Къушари куьпдик кутунва ч/агъан,
Шад хуррам я лап,гъизавай хьиз свас.
Пагь,т/ебиатдин гуьрчегвал аку;
Гьейранвал ийиз амукьна зунни.
Бахчаяр к/евна цуькверив лацу,
Ч/ижер элкъвезва худда тваз куьнуь.
К/елер хиперик акахьна яргъай,
Какахьай ванцив ац/урнава чуьл.
Гатфарин шикил акуна ч/агай,
Ачух хьана къе валлагь зи гуьгьуьл.
Гатфарин шикил
© Copyright: Фатимат Османова, 2021
Свидетельство о публикации №121062003580
Свидетельство о публикации №121062003580
Рецензии