Гьикьван яргъи хьана куьн, зулун йикъар,
Зи аскер хва гуьзет ийиз акъвазай.
Гуя акl я, гьатта сятдин икьрабар,
Зав гьуьжетиз явашдиз физ аквадай.
Хабар туш хьи гьелек тирди дидед рик/,
Гьар сятина вилер рекьиз килигиз.
Ахварайни аквазвайди гуьне тик,
Вич хва алай сергьятрални илифиз.
Йиф мичlи я,йикъалайни залум я,
Диде ава декьикьаяр гьисабиз.
Яваш-яваш йикьан эквни малум я,
Физвач диде хва рик/еваз ахвариз.
Вири рикlел хквезва и арада,
Гьамиша вил рекьел алай дидеяр.
Умуд атlун тийиз къекъвез сурара,
Чlулавралди эвезнавай дереяр.
Эхь,рикlеркай къванер хьанва, мармардин,
Сабурлувал хуьз алакьдай уьмуьрдин.
Дурум гудай ялавриз гьар тlурфандин,
Чаз дидейриз, сабур ганва, суьгьуьрдин.
Марф галачиз дуьзенра гьич кьар жедач
Марф такъвайла кьару жедач къубуни.
Веледди т/ар тавурдан рикl
тlар жедач
Веледдин дерт такурди жеч кьуьзуьни.
Дидейрин рикlер
© Copyright: Фатимат Османова, 2021
Свидетельство о публикации №121062003270
Свидетельство о публикации №121062003270
Рецензии