Цавар,чилер гьатта дерин гьуьлерни,
Вири к/вачел къарагънава икрамиз.
Чи гележег патал кьейи руьгьерни,
Къе чахъ гала ислягь пайдах хкажиз.
Автомат гьич вилеризни такурбур,
"Ватан хуьда"-лугьуз фенай дяведиз.
Куьрпе бала хана гъиле такьурбур,
Фенай хуьнуьх тапшурмишна дидедиз.
Дяведин ц/ай,шумуд свас на магьрумна,
Муьгьуьббатдин экв туьхуьрна,тек туна?
Дяведин ц/ай,шумуд диде къазунна,
Гъиле ч/улав хабар авай тел кьуна?
Алчах душманди къурмишай ц/ун ялав,
К/вале-к/вале къекъвенай дерт гваз залан.
Квахьрай дяве,кьилел хьурай ислягь цав,
Мад япарихъ галукь тавуй адан ван!
Сувар я къе миллионри чан гайи,
Сурарални чан атанва къенин къуз.
Гьар са игит т/вар рик/е хуьз эбеди,
Буржлу я чун икрам ийиз уьмуьрлух!
Гъалибвилин йикъаз
© Copyright: Фатимат Османова, 2021
Свидетельство о публикации №121061901366
Свидетельство о публикации №121061901366
Рецензии