Диде чан зун буржлу я ваз,
Уьмуьрдалди на заз гайи.
Йифералди кьеп/ин тар кьаз,
Ширин ахварни хаз хьайи
Диде чан зун буржлу я ваз,
Хурудлай гайи нек/едал.
Вуч гьатайт/ани гана чаз,
Гъиз датlана на гьебедал.
Диде чан зун буржлу я ваз,
Зегьметдалди чал ч/угур кьван.
Вуна авур хатурар заз,
Гьисаб жедач,ч/ехи я сан.
Зун буржлу я ширин диде,
Ваз уьмуьрдин эхирдалди.
Шаирдин мез тур зи сиве,
Сад Аллагьдин эмирдалди.
Акъвазда зун ширин диде,
Икрам ийиз мет/ерал.
Зи гъил кьурди вун я сифте,
Ахъалтдайла к/вачерал.
Зун буржлу я
© Copyright: Фатимат Османова, 2021
Свидетельство о публикации №121061901248
Свидетельство о публикации №121061901248
Рецензии