Ашукь я зун т/ебиатдин рангарал,
Дегишариз алук/дайла либасар.
Къалин живер ацукьайла тарарал,
Аяздини ч/угвадайла нехишар.
Хъуьхъвер яру хьана биц/и аялри,
Живедикай расдай ч/авуз нинияр
Зун кьулухъди ялзава зи хиялри,
Рик/ел хкиз аял ч/аван дердияр.
Ашукь я зун мадни гатфар береда,
Къацу либас алук/дайла тарари.
Къушарин ван гьатай ч/авуз дереда,
Йикъални нур вегьедайла ярари.
Мадни ашукь я зун гуьрчег цуьквери,
Безетмишдай ч/авуз чуьлер,бустанар.
Ашукь я зун муьгьуьббат сад рик/ери,
Сирералди к/евирдайла буьгьтенар.
Ашукь я зун т/ебиатдин гуьзелвал,
Артух ийиз алахъзавай гъилерал.
Ашукь я зун къадирлу тир невейрал,
Зегьметдин гел тазвай хайи чилерал.
Ашукь я зун,зулун къешенг либасар,
Алук/дайла т/ебиатди вичиз хас.
Мехъеррални"Лезгистандин авазар",
Кьуьлуьник кваз аквадайла чамни свас.
Ашукь я зун
© Copyright: Фатимат Османова, 2021
Свидетельство о публикации №121061807459
Свидетельство о публикации №121061807459
Рецензии
Очень красивые слова о любви к природе. Надо попробовать сделать перевод на русский язык.
С теплом,я
Сельмина Курабекова 19.06.2021 00:33 • Заявить о нарушении
С теплом,я
Сельмина Курабекова 19.06.2021 00:33 • Заявить о нарушении
Огромное спасибо дорогая Сельминат Вах!!Ты великий человек с великим талантом и твоя оценка для меня выше всего!Спасибо тебе за всё:за доброту,за понимание и за твою человечность!!!Мой низкий поклон!
Фатимат Османова 19.06.2021 00:57 Заявить о нарушении
Фатимат Османова 19.06.2021 00:57 Заявить о нарушении