Кьенвач Эмин,амазма чи арада,
Экуь чирагъ хьиз вилик ква,рехъ къалуз.
Гагь рахазва муьгьуьббатдив ац/ана,
Гагь гьахъсузвал русвагьзава куз-хъухъуз.
Кьенвач Эмин,вишни кьудкъад йис хьана,
Чан алама адан гьар са гафунал.
Лезги халкьдиз лап багьа тир ирс хьана,
Жавагьирар кхьей рик/ин къастунал.
Кьенвач Эмин, муьгьуьббатдин ц/елхем хьиз,
Рик/ин къеняй хур пад ийиз акъатай.
Дустаривни рахазма ам керчекдиз,
Стхадивни вич тек туна къакъатай.
Кьенвач Эмин ,чи рушарин къаматар,
Ханумрихъни,Гуьруьйрихъни гекъигиз.
Уьмуьрлухди куьтягь тежер савкьватар,
Тунва ада вичин патай несилриз
Рекьидач ам,чил амай кьван вич хайи,
Лезги хуьрер,лезги халкьар амай кьван.
Рекьидач ам шииратдин багъ цайи,
Эдебиятдин нурлу гъед,къагьриман!
Кьенвач Эмин
© Copyright: Фатимат Османова, 2021
Свидетельство о публикации №121061805857
Свидетельство о публикации №121061805857
Рецензии