На зямлі маёй вырас боль --
Крыватокам струменіць рана.
Распачаты з народам бой --
Гінуць людзі ад рук тырана.
На зямлі Беларусі здзек --
Патрыётаў чакаюць краты.
Сёння праўды няма ў судзе --
Запраўляюць сістэмай каты.
На зямлі Беларусі гвалт --
Тут бясчынствы прыдбалі сілу.
Нас знішчаюць ля родных хат,
Нас страляюць знянацку ў спіну.
На зямлі Беларусі крык --
Рвецца сэрца зямлі ад болю.
Так струну разрывае смык,
Калі грае музыка долю.
На зямлі Беларусі -- дно.
Мы кранаем яго рукамі.
Ёсьць жаданьне ва ўсіх адно:
Скінуць з цела Айчыны камень.
09.03.2021. Заслаўе
***
© Copyright: Валерий Познякевич, 2021
Свидетельство о публикации №121061803589
Свидетельство о публикации №121061803589
Рецензии