Забойцам беларусау

Хачу ў вас запытаць: адкуль вы родам?--
Хто нарадзіў і выхаваў пачвар,
Што чыняць здзек з уласнага народа,
Хаваючы пад маскай вочы, твар?

Якой хлуснёй вам акрапілі вочы,
Чаму вы ўсе не бачыце людзей?
Мажліва, вы раслі ў той зграі воўчай,
Інстынкт якую па жыцці вядзе?

Ніколі вам не будзе апраўдання
Ў сям'і вялікай з назвай Беларусь.
Вы для людзей сягоння -- проста здані,
Вы на зямлі маёй -- нікчэмны груз.

Надыдзе час -- і паляванне Стаха
Спасцігне вас, загоніць у вальер.
Павісне па-над кожным катам плаха --
Ты проста вер: ты проста ў гэта вер...

15.03.2021. Заслаўе


Рецензии