Каб пасадзіць народ на кол,
Чыны прыдумалі закон.
Калі ты супраць, -- прамаўчы! --
Законы пішуць крумкачы.
Законы пішуць уначы:
Яны куюцца, бы мячы.
Не для народа, а для тых,
Хто берцам б'е людзей пад дых.
Відаць, не проста шчыт і меч --
Эмблема правасудных сеч.
Жахлівы час. Трывожны лёс --
На Беларусі мора слёз.
Не азіраюся наўкол,
Бо па баках не мой закон.
18.03.2021. Заслаўе
***
© Copyright: Валерий Познякевич, 2021
Свидетельство о публикации №121061803324
Свидетельство о публикации №121061803324
Рецензии