Заз диде акуна.Ширин тир ахвар,
Пелел гъил эцигна лугьузвай гафар,
Ахварай авудна кьуна ада т/вар,
Дидед ван атайла,хана зи ахвар.
Туьтуьна гьатай хьиз са к/еви мерез,
Гаф акъат тийиз зай,кьуранвай нефес,
Тамамдиз накъвари кьежирнаваз мес,
Дидед ван атайла,хана зи ахвар.
Давам хьана к/ан тир ахвар заз яргъал,
Лугьурвал дидедиз жуван рик/ин т/ал,
Ацукьиз к/ан хьанай заз адан къвалал,
Дидед ван атайла,хана зи ахвар.
Гьалал ая лугьуз хьанач гайи нек,
Вичи чал ч/угур кьван азиятар тек,
Дердерив ац/анвай рик/ хьана гьелек,
Дидед ван атайла,хана зи ахвар.
Зи ахвар
© Copyright: Фатимат Османова, 2021
Свидетельство о публикации №121061707710
Свидетельство о публикации №121061707710
Рецензии