Зи багъри халкь,зи хайи халкь,
Хайи чилни,мулк хвейи халкь,
Шарвилидин квай иви халкь,
Сагърай,сагърай чи лезгияр!
Мергьяметдин квай хесетар,
К/евевайдаз гуз куьмекар,
Хуьз бубайрин пак адетар,
Сагърай,сагърай чи лезгияр!
Садвилелди ийиз к/валах,
Безетмишиз бахчани,багъ,
Уьтквем хваяр далудихъ дагъ,
Сагърай,сагърай чи лезгияр!
Рухваяр я дагъдин лекьер,
Ватан хуьниз гайи кьинер,
Гурлу ийиз мелни,мехъер,
Сагърай,сагърай чи лезгияр!
Сагърай зи халкь
© Copyright: Фатимат Османова, 2021
Свидетельство о публикации №121061707097
Свидетельство о публикации №121061707097
Рецензии