Яны ў Хатынь прыехалі на сьвята.
Для іх Хатынь -- яднаньне чорных сілаў.
Стаіць Камінскі ля згарэлых хатаў,
І вёсак нашых спаленых магілаў.
Не чуе ён, як на народным плачы,
Спрабуе д'ябал паяднаць фашыстаў.
Паставіў перад імі ён задачу
Па ўсёй краіне правясьці зачыстку.
Знішчаюць каты мову: сродак зносін --
Знішчаюць тых, хто думае іначай.
Як толькі іх зямля Сьвятая носіць,
Як церпіць звон, што над Хатыньню плача?
Адкуль сюды прывезьлі тых манкуртаў,
Што чыняць зьдзек над памяцьцю народа?
Хатынь-Хатынь, ты ў кайданкі закута,
Якімі сёньня нішчыцца свабода.
22.03.2021. Заслаўе.
***
© Copyright: Валерий Познякевич, 2021
Свидетельство о публикации №121061703799
Свидетельство о публикации №121061703799
Рецензии