Гэта нельга забыць,
Дараваць -- немагчыма.
Кожны з нас, хто там быў,
Бачыў здзекі вачыма.
Аўтазакі ў крыві,
А ў іх -- збітыя людзі.
Крык пачварны: "Прими! --
Проломи ему груди"...
У "краіне жыцця"
Правяць неафашысты.
Акрываўлены сцяг
Па-жыцці ў іх не чысты.
Для іх Гітлер -- кумір,
А народ мой -- народзец.
Лозунг іх -- "русский мир"
Беларусь не адродзіць...
Мы ўзрасцілі ваўкоў,
Каб яны нас кусалі.
Дзе ні глянь -- ёсьць наўкол
Тараканы з вусамі.
Войскі МУС і Амон --
Вам тут месца не будзе.
Па шляху перамог
Пойдуць белыя людзі.
КДБ і "Алмаз" --
Вы -- у звязцы з рэжымам.
Вы пайшлі супраць нас --
Вы нам рэзалі жылы.
Беларускі матыў --
Шлях да волі праз церні.
Памятай, хто там быў --
Нашу памяць не сцерлі.
05.04.2021. Мінск
Вязням Беларусi
© Copyright: Валерий Познякевич, 2021
Свидетельство о публикации №121061703624
Свидетельство о публикации №121061703624
Рецензии