***
Яны скралі ад нас Беларусь.
Скралі мову і скралі мару,
Каб кашуля і белы абрус
Спраў народных забылі славу.
Яны скралі ад нас жыццё:
Памянялі яго на грошы.
Коле вочы той здрады асцё --
Бы жыццё іх сям'і ў раскошы.
Хіба можна трываць той здзек,
Да Свабоды ісьці праз краты?
Беларус! -- Дзе твой гонар, дзе? --
Знішчы праўдай паросткі здрады!
На народны выходзь пратэст
Супраць тых, хто прадаў сумленне!
Уздымайся , Гародня, Брэст,
Віцебск, Гомель і Менск з каленяў!
Падтрымай жа іх сілай ільвоў,
Што ў паданнях жыла калісьці --
Шматпакутлівы Магілёў!..
Толькі разам мы знойдзем выйсьце.
***
© Copyright: Валерий Познякевич, 2021
Свидетельство о публикации №121061703548
Свидетельство о публикации №121061703548
Рецензии