***

*  *  *  *

Чун, чи махлукь, Лезгияр я
 халкь ч1ехи!
Хуьз алакьна, сур диб галай,
ч1ал ч1ехи!.
Чил-къул патал, авуна чна
къал эхи.
Чил ама чаз, ч1ал ама чаз,..
гьал я чи!
               


Кук1уш кьакьан,.дамах ийир,
ава сув.
Чи чилин ярж - лекьре, ана,
 гузва лув.
Сувуви хьиз, саки чириз,
ава жув.
К1вал эцигай, чка хьана
раган рув.




Вуч иердиз, гьалализ кьве
патаз яд,
Авахьзава ирид шакъад
Кьулан вац1.
Са ни  ят1ан эцигнава
Самур т1вар.
Кьуланд тахьун паталди ам,               
дак1ан яз.



Кьулан вац1 хьиз, ава иер
Кьулан там.
Кьве патазни гьалалнава
пак алам.
Т1ебиатди  чаз хранвай
я ам гам.
Чешне  кьет1ен, - санан тежерд
я хьи ам!



Гьуьл ава чаз, гзаф къадим,
т1вар я Кас,
Касрин къилих, касрин синих      
адаз хас.
"Хазар" ава адахъ галаз      
ч1угваз бягьс.               
Касдихъ галаз ава тухуз
гьуьжет нягьс.



Вири ава Лезги чилиз -
ватандиз!
Абуралди  гьисзават1ан
к1убандиз,
Заз дерт ава, зун тазва хьи
пашмандиз :
Халкь пайнавай сергьят т1ал я               
зи чандиз!



Кьве уьлкведи, пайна зи  чил,
къакъудай,
Жуван чилихъ заз магьрумвал
агудай,
Заз тухдалди, гьахъ - ихтияр
 тагузвай,
Зи хайи чил, вун зи чан я,
лугьуда!
Уьмуьр женг яз,за вун патал      
тухуда!      

1998 й
.
Гълин хат1арин дафтардай